ფსიქოლოგი ნათია ფანჯიკიძე “ფეიბუქის” პირად გვერდზე წერს, რომ შექმნილი ეპიდემიოლოგიური ვითარებიდან გამომდინარე სკოლებში სწავლა კვლავ დისტანციურად უნდა დაიწყოს.
ამასთან, ფანჯიკიძემ მოსწავლეების უკეთესი სასწავლო პირობების მნიშვნელობასაც გაუსვა ხაზი.
“ვირუსი ბავშვებს დაერია. ალბათ ისევ დისტანციური სწავლაა გამოსავალი და ეს მოულოდნელობადაც ვეღარ ჩაითვლება. ამ მოსალოდნელობას რამდენად მზად დავხვდით ამდენი ხნის და გამოცდილების მერეც? ყველა ბავშვს აქვს კომპიუტერი და ინტერნეტი? იქნებ ბავშვების სასწავლო პირობებით აღჭურვაში მაინც დახარჯულიყო საარჩევნო კამპანიების ფული, მრავალრიცხოვან ერზემზრუნველთა სამ-სამი გადიდებული პორტრეტი ზოგან ერთად რომაა გამოკრული ერთ კვადრატულ მეტრზე, განა მირონმდინარე ხატებად არ გამოდგებით, მაგრამ სასწაულიც მოახდინოთ იქნებ.” – წერს ფანჯიკიძე სოციალურ ქსელში.