დღეს თბილისის საქალაქო სასამართლოში 21 წლის მათე დევიძის პროცესი გაიმართა.
ის მოსამართლე დავით მგელიაშვილმა პატიმრობაში დატოვა.
„არ გაითვალისწინა მოსამართლემ ჩემი მდგომარეობა, არც ჩემი წარსული, საერთოდ არაფერი. მომწყვიტა ჩემს ოჯახს, საყვარელ ნივთებს. ჩემი გიტარა მენატრება. პატიმრობა ეს არის უკიდურესი ვარიანტი, არანაირად არ ვიმსახურებ ამას“, – აღნიშნა დევიძემ სიტყვით გამოსვლისას.
შეგახსენებთ, შსს-ის ცნობით, 19 ნოემბრის დილას, მელიქიშვილზე გამართულ აქციაზე, ფიზიკური შეურაცხყოფა მიაყენა პოლიციელს.
გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.