ბოჭორიშვილის სახელობის კლინიკის გენერალური დირექტორი დავით გადელია “ფეისბუქის” პირად გვერდზე წერს:
“არ მაინტერესებს რას ბოდავენ ანტივაქსერები, არასდროს არ შევდივარ მათ გვერდზე (ოჯახში ერთიც რომ გვყავს ანტივაქსერების გვერდებზე შემვარდნი- ისიც ზედმეტია, მაგრამ არ მიჯერებს, იშლის ნერვებს), ფბ მეგობრებში თუ მყავს ვინმე- ვცდილობ ავუხსნა ან არაფერს ვპასუხობ – მათი ეჭვები გასაგებია და არ სცილდება ადამიანურობის ნორმებს. მაგრამ ახლა დასქროლვისას შემხვდა სტატუსი, რომლის ავტორი მეგობრებში მყოლია და წერს: “კიდევ ორი ექიმი, სრულად ვაქცინირებული მოგიკვდათ, ვერც ახლა მიხვდით რომ აცრა არ შველის??!” თან უდევს ორი ჩემი გარდაცვლილი კოლეგის ფოტო. ცხადია ტყუილი ფაქტი თქვა, თუმცა, თეორიულად, რა თქმა უნდა, შესაძლებელია ასეც მოხდეს და არავინ ვართ დაცული. მართლა არ დავუჯერე თვალებს – ასე როგორ დაწერა – მეთქი! აზერბაიჯან- სომხეთის კონფლიქტში რომ უწერდნენ მტერ მხარეს -“ამდენი მოგიკვდათო”, თანაც ტყუილი ინფორმაციით – ზუსტად ის ანალოგია იყო!!! ალბათ ბევრს გყავთ ეს ქალბატონი მეგობრებში, არც მახსოვს გვარი- დავბლოკე იმ წამსვე! ასე რამ გაგიყინათ გული ზოგიერთს და როგორ მიყვა გულს ტვინიც! რეებს წერთ? რა ფორმით..? ჯერ ერთი, ყველა დეტალს აქვს მნიშვნელობა… ბავშვობის ძმაკაცი გარდამეცვალა ჩვენს კლინიკაში, რამდენიმე თვის წინ, მეორე აცრის შემდეგ მალევე დაეწყო დაავადება და ვერ მოასწრო ვაქცინამ, ვერ იმუშავა. ვერაფრით დავეხმარე… ვერც ის გვეხმარემოდა თანმდევი დაავადების გამო… ყველა ასეთ შემთხვევას თავისი ისტორია აქვს.
ჩვენს კოვიდ-რეანიმაციაში მუდამ 20-23 ადამიანი წევს, მძიმე მდგომარეობით. ზოგიერთი ბოქსიდანაც ასაყვანია, მაგრამ მეტი ადგილი არა გვაქვს და ადგილზე ვმკურნალობთ ინტენსიურად, ჟანგბადით. მთელი პასუხისმგებლობით გეუბნებით: კარგა ხანია თუნდაც ერთხელ აცრილი პაციენტი არ გვყოლია რეანიმაციაში!!!” – წერს გადელია სოციალურ ქსელში.
https://mix.metronome.ge/20615-2/