„გურია თუდეის“ ცნობით, ცნობილი ლანჩხუთელი ჟურნალისტი ქეთევან ნაკაშიძე.
„ქეთევან ნაკაშიძის სახელს უკავშირდება მუნიციპალიტეტში თავისუფალი მედიის დაარსება _ 1995 წელს ოჯახის წევრებთან ერთად დააფუძნა გაზეთი „ლანჩხუთი პლუსი“, რომელსაც 25 წელზე მეტი ხნის მანძილზე რედაქტორობდა.
მანამდე იგი „ლანჩხუთის მოამბის“ („კომუნისტური შრომა“) რედაქტორის მოადგილე გახლდათ.
ქალბატონი ქეთევანი იყო უძლიერესი ჟურნალისტი და სიცოცხლეშივე იქცა ლეგენდად.
მისი მახვილი კალამი ათწეულების მანძილზე დადებით გავლენას ახდენდა მუნიციპალიტეტის ცხოვრებაზე.
ქეთევან ნაკაშიძის სტატიები იყო უაღრესად მწვავე, თუმცა ყოველთვის _ ობიექტური და სამართლიანი, მუდამ იცავდა ეთიკის მაღალ სტანდარტს. ათეულობით ახალგაზრდას გაუკაფა გზა ჟურნალისტიკაში.
„გურია თუდეი“ გამოთქვამს დიდ გულისტკივილს ქეთევან ნაკაშიძის გარდაცვალების გამო და თანაუგრძნობს მეუღლეს, შვილებს, ახლობლებს“, – აღნიშნულია „გურია თუდეის“ მიერ გავრცელებულ ინფორმაციაში.