ექიმი გიორგი ღოღობერიძე „მთავარი არხის“ ტელეწამყვანი გახდა, ის სამედიცინო შოუს „მთავარი დიაგნოზი“ გაუძღვება. ინფორმაცია სოციალურ ქსელში რამდენიმე დღის წინ გავრცელდა, აღნიშნული არხის გენ.დირექტორმა ნიკა გვარამიამაც დაადასტურა. თუმცა, ინფორმაციამ სოციალურ ქსელში აზრთა სხვადასხვაობა გამოიწვია, ღოღობერიძეს გადაწყვეტილება ზოგიერთმა არ მოუწონა და პოლიტიკას დაუკავშირა.
ამ საკითხზე კი მან სოციალურ ქსელში დაწერა:
“ძალიან დიდი მადლობა თითოეულ თქვენგანს. მადლიერი ვიქნები, თუ პოლიტიკასთან არ გამაიგივებთ, რადგან რაც მიცნობთ, მედიცინის იქით არაფერი მითქვამს და ამჯერადაც სამედიცინო გადაცემაში ვარ,” – დაწერა ღოღობერიძემ სოციალურ ქსელში.