“თუმანიშვილის თეატრის” მსახიობის გიორგი ჩაჩანიძის ძმა, ნოდარ ჩაჩანიძე სოციალურ ქსელში პოსტს ავრცელებს, რომელსაც უცვლელად გთავაზობთ.
“10 დღიანი ადმინისტრაციული პატიმრობა შეუფარდა გიორგის მონების სასამართლომ! არანაირი მტკიცებულება, არც ვიდეო და არც სხვა სახის… ცრუ მოწმე მოიყვანეს, რომელმაც არ იცოდა რა ადგილზე დააკავეს გიორგი, არ იცოდა რომ ის გოგოს დაკავების დროს დააკავეს და ამას რომ დაკავებამდე მთელ ხმაზე ყვიროდა… ეს ყველაფერი ჩვენ ვიდეოებით დავამტკიცეთ დარბაზის წინაშე.
მეგონა ამას მაინც დაწერდით დღეს რადგან ყოველ წელს გვილოცავთ ხოლმე… ბოდიში ჩვენი ოჯახის სახელით, რომ წელს უნებურად ამაში ხელი შეგიშალეთ…
“- წერს ნოდარ ჩაჩანიძე.შეგახსენებთ, გიორგი ჩაჩანიძე 12 იანვარს თბილისში, ბელიაშვილის ქუჩაზე, რესტროან „ბაბილოსთან“ დააკავეს ადმინისტრაციული წესით.
მასთან ერთად დააკავეს კიდევ რვა ადამიანი – ყველა მათგანს პოლიცია მოთხოვნის დაუმორჩილებლობასა და წვრილმან ხულიგნობას ედავება (ადმინისტრაციული კოდექსის 166-ე და 173-ე მუხლები).