გვიან ღამით ორთაჭალაში მომხდარი აფეთქების შესახებ, ერთ-ერთი დაზარალებული, ელენე დავითაია სოციალურ ქსელში პოსტს აქვეყნებს.
„ორთაჭალაში, ნიკოლოზ ჩხეიძის ქუჩაზე 9 სართულიანი კორპუსი აფეთქდა, ცოცხალი როგორ გადავრჩი ახლაც ვერ ვხვდები თვალი მაქვს დაზიანებული და ნიუ ჰოსპიტალში ნორმალური მომსახურეობაც ვერ გამიწიეს, ფული გაქვთ რომ გადაიხადოთო? ხალხო სად ვცხოვეობთ, ეს რა ქვეყანაა?
ყველაფერი დავკარგე ერთ წუთში“, – წერს ის.
შეგახსენებთ, ორთაჭალაში, საცხოვრებელ კორპუსში, აფეთქება მოხდა.
არსებული ინფორმაციით, აფეთქება, სავარაუდოდ, გაზის გაჟონვამ გამოიწვია.
შედეგად, დაიღუპა ერთი ადამიანი, ოთხი დაშავებული კლინიკაშია გადაყვანილი.
როგორც ადგილზე მყოფები აცხადებენ, კორპუსში დევნილები ცხოვრობენ.
კორპუსში მცხოვრები მოსახლეობის ნაწილი ამ დროისთვის დროებით საცხოვრებელში გადაჰყავთ.