ქუთაისის პირველი სამუსიკო სკოლა სამწუხარო ინფორმაციას ავრცელებს:
„გარდაიცვალა ღვაწლმოსილი პედაგოგი, ღირსების ორდენის კავალერი, უმაღლესი რანგის პროფესიონალი, დიდი პედაგოგიური გამოცდილების მქონე ქალბატონი, წარმატებული თაობების აღმზრდელი, თავის პროფესიაზე უზომოდ შეყვარებული ქალბატონი ნელი მიქაძე-ვაჩაძე, ათწლეულების მანძილზე, ეწეოდა პედაგოგიურ მოღვაწეობას პირველ სამუსიკო სკოლაში, იყო თეორიული განყოფილების წამყვანი პედაგოგი. მისი თაოსნობით ტარდებოდა არაერთი საინტერესო გაკვეთილები, მეთოდური ღონისძიებები. თავის ცოდნას გადასცემდა აღსაზრდელებს, არაერთ ნიჭიერ ახალგაზრდას გაუკვალა გზა წარმატებებისათვის. ქალბატონი ნელის ხსოვნა და მის მიმართ სიყვარული წარუშლელი დარჩება კოლეგების, აღზრდილებისა და თანაქალაქელების მოგონებებში. ვუსამძიმრებთ ოჯახს, მეგობრებს, კოლეგებს, მოსწავლეებს, ქალაქს, მუსიკალურ საზოგადოებას. უფალმა დაუმკვიდროს ცათა სასუფეველი“, – ნათქვამია სამძიმრის პოსტში.