ბათუმში, საკონსტიტუციო სასამართლოსთან საპროტესტო აქცია 15:00 საათზე განახლდა და ამ წუთებშიც მიმდინარეობს.
აქციის მონაწილეები სოლიდარობას უცხადებენ დაკავებულ პირებს და ამბობენ, რომ გუშინ არაფერი მომხდარა იმ დღეებისგან განსხვავებული, როცა აქციები იმართებოდა და მიზანმიმართულად განხორციელდა დაკავებათა სერია, პოლიციამ კი პროვოკაციები დაგეგმა.
აქციის მონაწილეები გუშინ ბათუმში განვითარებულ მოვლენებს აპროტესტებენ და რეჟიმის მიერ უკანონოდ დაკავებული ადამიანების გათავისუფლებას ითხოვენ.