მიმდინარე აქციებისას დაკავებული 11 პირის საქმე გაერთიანდა.
ესენი არიან: ანდრო ჭიჭინაძე, ონისე ცხადაძე, გურამ მირცხულავა, ლუკა ჯაბუა, ჯანო არჩაია, რუსლან სივაკოვი, ვალერი თეთრაშვილი, გიორგი ტერიშვილი, ირაკლი ქერაშვილი, რევაზ კიკნაძე, სერგეი კუხარჩუკი.
ხვალ, 10 იანვარს, სასამართლო აღკვეთის ღონისძიების სახით გამოყენებული პატიმრობის ძალაში დატოვების მიზანშეწონილობაზე იმსჯელებს, სასამართლო პროცესი კი 16 იანვრის ნაცვლად, 11 მარტს გაიმართება.
შეგახსენებთ, აღნიშნულ პირებს ბრალი სისხლის სამართლის კოდექსის 225-ე მუხლის მეორე ნაწილით ედებათ, რაც ჯგუფურ ძალადობაში მონაწილეობას გულისხმობს.