მიმდინარე აქციების დროს დაკავებული მსახიობის, ანდრო ჭიჭინაძის, სასამართლო პროცესი 5 მარტისთვის გადაიდო.
„სასამართლომ დააკმაყოფილა პროკურატურის დაუსაბუთებელი შუამდგომლობა – ანდრო ჭიჭინაძის პროცესი გადადო 5 მარტისთვის.
ხვალ მოსამართლე ხალხით სავსე საქალაქო სასამართლოში იმსჯელებს დატოვებს თუ არა მსახიობს ციხეში.
პროცესის დრო – 10:30 საათი.
შევხვდებით პროცესზე“, – წერს სოციალურ ქსელში ჭიჭინაძის ადვოკატი, თორნიკე მიგინეიშვილი.
შეგახსენებთ, ჭიჭინაძეს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს. დამტკიცების შემთხვევაში, მას 4-დან 6 წლამდე თავისუფლების აღკვეთა ემუქრება.