პოლიცია ამ დრომდე ეძებს სავარაუდო დამნაშავეებს, რომლებსაც რუს ცოლ-ქმარზე თავდასხმა ედებათ ბრალად. თავდასხმა მესტიის მუნიციპალიტეტის სოფელ ნაკრასთან მოხდა. არსებული ინფორმაციით, ცოლ-ქმარს სავარაუდოდ ორი პირი დაესხა თავს, რომლებსაც სამართალდამცველები ეძებენ.
ქალმა პოლიციას ჩვენება უკვე მისცა და დიდი ალბათობით თავდამსხმელებიც ამოიცნო, შესაბამისად პოლიციისთვის მათი ვინაობა ცნობილია. არსებული ინფორმაციით, ისინი ნაკრას მცხოვრებლები არიან და მათ სახლებში უკვე ჩატარდა ჩხრეკაც.
შსს-ს გამოძიება იარაღის უკანონო ტარებისა და ყაჩაღობის მუხლებით აქვს დაწყებული. სამძებრო სამუშაოები მესტიაში ამ დრომდე მიმდინარეობს.