დებ ბუნიათიშვილებს მუსიკალურ სამყაროში ყველა იცნობს. ისინი ერთადაც არაერთხელ გამოსულან სცენაზე. თუმცა ბოლო პერიოდში ხატიას უფროსი და – გვანცა, ძირითადად დის პროდიუსერობით არის დაკავებული.
გვანცა ბუნიათიშვილი ხშირად თან ახლავს ხატიას მსოფლიოს სხვადასხვა კუთხეში კონცერტების დროს და მისი ყველაზე დიდი მეგობარია.
მსოფლიოში აღიარებული ხატია ბუნიათიშვილისთვის ოჯახი ძალიან მნიშვნელოვანია, ამას ის ხშირად უსვამს ხაზს ინტერვიუებში და ხშირად აქვეყნებს ფოტოებს დასთან და მშობლებთან.
დაკვრა ხატიას დედამ, ნატალია ბუნიათიშვილმა ასწავლა და როგორც ხატია ამბობს, “დედის ენერგიას და “ზურგს” ყოველთვის გრძნობს”.რაც შეეხება მამას – გიორგი ბუნიათიშვილს, ხატია მას ყველაზე “მოსიყვარულეს და მეგობრულს” უწოდებს.
