ზუგდიდი-მესტიის გზაზე უცხოელი ცოლ-ქმარი დააყაჩაღეს – ინფორმაციას “მთავარი არხი” ავრცელებს.
სვანეთის სათემო რადიო ზუგდიდი-მესტიის გზაზე მომხდარი ყაჩაღობის შესახებ ავრცელებს ინფორმაციას და წერს, რომ მესტიის მუნიციპალიტეტში სოფელ ნაკრაში სამძებრო-დაკავების ოპერაცია მიმდინარეობს. პოლიცია ორ ახალგაზრდას ეძებს რომელთაც ბრალად ედებათ უცხოელ ცოლ -ქმარზე თავდასხმა.
არსებული ინფორმაციით სოფელ ნაკრას ასახვევთან იპოვეს გატაცებული მანქანა, სადაც ადგილობრივების თქმით აღინიშნება სისხლის კვალი. ასევე ნაპოვნია ცოლი, რომელიც გადაყვანილია განყოფილებაში. ქმარი კი ამ დრომდე დაკარგულად ითვლება.