ტელეწამყვანი “ფეისბუქის” პირად გვერდზე წერს, რომ მძიმე ეპიდემიოლოგიური ვითარებიდან გამომდინარე, საქართველოში არჩევნები უნდა გადაიდოს.
“წინასწარ ბოდიშს გიხდით, თუ ვინმეს არ გესიამოვნებათ, მაგრამ, ჩემი აზრით, არჩევნები უნდა გადაიდოს ორი თვით – პანდემიის ამ ტალღის ჩავლამდე – მთავრობა ამას არ იტყვის და არც ოპოზიცია – სისუსტის გამოვლინებად ჩაეთვლებათ, მათივე აზრით – ჰოდა, ვინმემ უნდა თქვას და ა ბატონო, ვამბობ. ამ ვითარებაში კამპანიის ჩატარება შეუძლებელია და არჩევნები ცოტა ბოროტ ფარსს ემსგავსება,” – წერს მშვილდაძე სოციალურ ქსელში.