ფოთში მდებარე ერთ-ერთ კაფეში, კულტურულ საგანმანათლებლო ცენტრ, სოციალურ საწარმო, ლიმენაში ჟურნალისტს ელისო ჯანაშიას “ქართული ოცნების” მხარდამჭერები მიუვარდნენ. ინფორმაცია სოციალურ ქსელში ვრცელდება.
ელისო ჯანაშიას თქმით, მას თავს უცნობი ქალები დაესხნენ და ფიზიკური შეურაცხყოფა მიაყენეს.
ის მომხდარს მის სამოქალაქო პოზიციას, საპროტესტო აქციების ორგანიზებას და სხვა აქტივობებს უკავშირებს.
“ლიმენაში მოგვივარდა ორი ქოცი ქალი და მე პირადად ფიზიკურად გამისწორდა, ახალგაზრდები ლანძღა, გარყნილები გვეძახა.
გამოვიძახეთ პოლიცია”- წერს ჯანაშია.
ადგილზე იმყოფებოდა სასწრაფო დახმარება და პოლიცია.