პეტრე კოლხი “ფეისბუქის” პირად გვერდზე შემდეგი სახის პოსტს აქვეყნებს:
“შეიძლება ადამიანს გაუბრაზდე, მასზე ნაწყენიც იყო, მისი ბევრი საქციელი არ მოგწონდეს, მაგრამ ყველაფერს ხაზი გადაუსვა, ეს არ შეიძლება. ყოველთვის სხვისი დადანაშაულება, ხელების შეხოცვა, საკუთარი თავის წმინდანად წარმოჩენა, ყველაზე მეტად მას აზარალებს, ვისაც თავი უცოდველი ჰგონია.
სიყვარულს ითხოვ?! აბა დაფიქრდი, რამდენად ხარ სიყვარულის მიმღები.
გაბრაზებამ ისე არ უნდა დაგაბრმავოს, საკუთარ თავსაც ვერ ხედავდე სარკეში, ვერც პასუხისმგებლობას გრძნობდე, შენთვის ძვირფასი ადამიანების წინაშე და შენი ხისტი, კატეგორიული ხასიათის გამო, მხოლოდ საკუთარ თავს ინადგურებდე…ასეთ დროს ,,კეთილისმსურველები” ყველაზე მეტად კვებავენ ეგოიზმს და გიმტკიცებენ, რომ ყველაფერში მართალი ხარ… შენც ხარობ და ბედნიერი ხდები, თავს იწონებ, ,,ერთგული მეგობრებით”. არადა, პირმოთნე ადამიანები ყველაზე დაუნდობელი მტრები არიან…
საბოლოოდ ყველა თავის გზას დაადგება, შენ კი დარჩები საკუთარ თავთან ბოლომდე განადგურებული… რაც არ უნდა ამტკიცო, რომ კარგად ხარ, საპირისპირო ვლინდება…
მთელი ცხოვრება გაბრაზებული გული, შორს დგას სიკეთისგან… პატიება ხომ ისედაც დიდების ხვედრია… მით უფრო მაშინ, როცა საპატიებელი არაფერია!…” – წერს პეტრე კოლხი.
