საქართველოს მართლმადიდებელი ეკლესიის მღვდელმსახურმა, დეკანოზი ბასილ ახვლედიანმა “ფეისბუქზე” დაწერა:
“როგორ ვერ გავიგეთ, რომ საქართველოს კათოლიკოს-პატრიარქი ილია II უფალმა ღმერთად დაადგინა საქართველოს მტრებისთვის, ხოლო ეკლესიის მსახურები – ქადაგად..!
დიახ, არ მოგესმათ -ღ მ ე რ თ ა დ !
წარმოგიდგენიათ, ვის ვეურჩებით?!
უწმინდესი ამბობს იმას, რასაც ღმერთი უბრძანებს, ხოლო ეკლესის მსახურები საყოველთაოდ ქადაგებენ, რათა იხსნან ერი ცოდვის მონობიდან,” – დაწერა მღვდელმსახურმა.
დეკანოზის ნათქვამს ჟურნალისტი ვახო სანაია “ფეისბუქის” პირად გვერდზე ასე ეხმაურება:
“ძალიან მნიშვნელოვან რამეს ამბობს სინამდვილეში. მართლა ამ სისტემით იმართება დღეს მრევლი. ასეთი სიმართლე არავის უთქვამს ეკლესიიდან.
როგორც კი ეს პარადიგმა მოიშლება, სისტემაც დაენგრევათ. ნამდვილი ღმერთი არ სჭირდება დღევანდელ საპატრიარქოს. მისი ადგილი ეკლესიაში აღარ არის. სჭირდებათ ღმერთად გამოცხადებული პატრიარქი,” – წერს სანაია სოციალურ ქსელში.