ინეზა კოპალეიშვილი, რომელიც კორონავირუსს, რეანიმაციულ განყოფილებაში ებრძვის, სოციალურ ქსელში ემოციურ წერილს აქვეყნებს.
66 წლის ქალბატონს საზოგადოება თამუნა თანდაშვილის წერილებიდან იცნობს.
“2021 წლის 17 აგვისტო..
33-ე დღე..
33 დღეა სავადმყოფოში ვარ კოვიდ-19..
ჯოჯოხეთი გავიარე, წუთითაც კი და ზმეიკიანი პარკის კანდიდატი ვიყავი. თავთან მელაგა გორა.
გაუმარჯოს სიცოცხლეს! გულში გიხუტებთ მთელ საქართველოს, ბედნიერი დედა და ბებია ვარ, მყავს შესანიშნავი შვილები, შვილიშვილები, მეგობრები. ყველას წინაშე ქედს ვიხრი. ჩემს ნათესაობას, ვისაც ჩემმა ამბავმა ტორნადოსავით გადავუარე.
ქართველებო, ეს ომი უნდა მოვიგოთ, მისაბაძები გავხდეთ მსოფლიოსთვის. ჩვენი პატიოსნებით, წესრიგით, ღმერთის ღრმა რწმენით. ვასწავლოთ და ვისწავლით სიყვარულს. პატარ- პატარა დღესასწაულები მოვუწყოთ. სტიმული მივცეთ.
ყველაფერი კარგად იქნება.
21-ე საუკუნე დაიწყო, თავისი გამოწვევებით.
უნდა შეგვეხოს. დავხვდეთ სწორად პანიკის გარეშე. წავა ბოლოს კოვიდი.
თამუნა…
ჩემი დიდი შენაძენი, ღმერთმა მაჩუქა, ნახევრად მკვდარი ქალი ვიყავი, გათიშულს მაბრუნებდნენ და თამუნა გვერდით მომიწვინა და მიბრძანა, კეთილი ინებე, გამოფხიზლდი და ბავშვს მიხედე, ჰოდა… ეხლა წამოვდგები და ისეთს შემოვულაწუნებ-მეთქი გულში ჩავიკარი. ჩემი ოქროს გოგო, განათლებული, დახვეწილი, საინტერესო. ჩვენ არ ვუხსნით ერთმანეთს ეს უნდა აკეთო, როგორებიც ვართ. ჩვენ უკვე ერთი ოჯახი ვართ. არასოდეს გავუშვებთ ხელს.
მამაო…
ჩვენი რეანიმაციის მფარველი. მარტვილის ღვთისმშობლის ტაძრის წინანძღვარი – ხვიჩა ცაავა.
კარებთან იწვა, მთელი დღე ლოცულობდა, უსაყვარლესი ადამიანი – ესეც ხომ სასწაულია?!
თამუნა, ინეზა და მამაო…
არ ვიცი ჩემი 33 დღე მართლაც სასწაული გაცისკროვნებულია.
სიტყვა “ვაი” არ მითქვამს, ვაკონტროლებდი
ჰაი ჰაი კორონა! ფეირვერკი ჩვენია…
ჩემო კარგო ქვეყანა, არ მოიწყინო, ყველაფერი კარგად იქნება
ჩვენთან არს ღმერთი !”– წერს ინეზა კოპალეიშვილი “ფეისბუქის” გვერდზე.
