თბილისში 31 წლის მამაკაცს, გიორგი მამულაშვილს ეძებენ.
როგორც „ფორტუნას“ გიორგი მამულაშვილის დამ – ანა მამულაშვილმა უთხრა, გიორგი ბერი გაბრიელ სალოსის ქუჩაზე მდებარე სახლიდან 10 დეკემბერს, ღამის 23:00 საათზე გავიდა და მას შემდეგ არ დაბრუნებულა. სამძებრო სამუშაოებში ჩართულია პოლიცია.
„10 დეკემბრის ღამეს, როდესაც გვეგონა, რომ ეძინა, 02:30 საათზე დედა მის ოთახში შევიდა და აღად დახვდა. პოლიცია ძებნის ოპერაციაში მალევე, გამთენიისას ჩაერთო და ორთაჭალაში დაიწყო ძებნა. სამართალდამცველების თქმით, თავდაპირველად ვიდეოებში მისი მოძრაობა ჩანს, ბოლოს კი კვალი იკარგება. მისი ტელეფონი სანაპიროზე უცხო პირმა ნახა და რომ დავურეკეთ, გვიპასუხა.
გიორგი მორწმუნე, ეკლესიურია. ეჭვი გვაქვს, რომ მონასტერშია, ახლობლისთვის უთქვამს, პრობლემებით დავიღალე და შეიძლება მონასტერში წავიდეო.
აცვია მოლურჯო ქურთუკი და მოლურჯო შარვალი. გთხოვთ, თუ ვინმე რაიმეს გაიგებთ, შეგვატყობინოთ“, – უთხრა ანა მამულაშვილმა „ფორტუნას“.
დაკარგული მამაკაცის და, გიორგი მამულაშვილის შესახებ სოციალურ ქსელშიც წერს და საზოგადოებას საკონტაქტო ინფორმაციას უზიარებს:
„ვეძებთ გიორგი მამულაშვილს. თბილისში, ბერი გაბრიელ სალოსზე. სახლიდან გავიდა 10 დეკემბერს საღამოს 23:00 საათზე, 31წლის. ამ დრომდე სახლში არ დაბრუნებულა. თუ ვინმეს შეგხვდათ, აუცილებლად შეგვატყობინეთ. 597 559 251 – ანა, გთხოვთ გადააზიაროთ“, – წერს ანა მამულაშვილი.