მოქალაქეებმა რუსთაველის გამზირი გადაკეტეს. აქციის მონაწილეები ხელახალ არჩევნებსა და აქციების მიმდინარეობის დროს დაკავებული ადამიანების გათავისუფლებას ითხოვენ.
შეგახსენებთ, რომ მთელი დღეა, სხვადასხვა სფეროს წარმომადგენლები დედაქალაქის მასშტაბით აქცია-მსვლელობებს მართავენ.
ასევე, ემიგრანტები რუსთაველის გამზირზე მიმდინარე აქციას შეუერთდნენ. ისინი რუსთაველის გამზირამდე მსვლელობით მივიდნენ.
თბილისში საპროტესტო აქცია უკვე მე-16 დღეა მიმდინარეობს. მოქალაქეების პროტესტი ხელისუფლების განცხადებას მოჰყვა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლამდე დღის წესრიგში არ დადგება.