უწყვეტი პროტესტი რუსთაველის გამზირზე, მე-11 დღეა მოქალაქეები პარლამენტის შენობის წინ აქციას მართავენ.
ამ წუთებში რუსთაველის გამზირი გადაკეტილია.
ისმის შეძახილები, პერიოდულად რკინის ჯებირზე ბრახუნი.
ამასთან, ცოტა ხნის წინ წყლის ჭავლის მანქანები განათავსეს თავისუფლების მოედანზე.
თბილისში საპროტესტო აქცია უკვე მე-11 დღეა მიმდინარეობს. მოქალაქეების პროტესტი ხელისუფლების განცხადებას მოჰყვა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლამდე დღის წესრიგში არ დადგება.
