“ილია მეორეც აცრილია, უბრალოდ არ ამბობს, რომ ვაქცინა გაიკეთა! იმიტომ, რომ მკვლელია და ფეხებზე ჰკიდია ხალხი დაიხოცება თუ არა, ისევე როგორც 89 წლის 9 აპრილს დაიკიდა და შეატოვა ხალხი რუსულ ტანსკებს, ისე ჰკიდია ახლაც!”, – ამის შესახებ სამოქალაქო აქტივისტი თეა თუთბერიძე “ფეისბუქის” კომენტარებში წერს.
“ილია მეორე თავისი ბნელი მრევლისგან განსხვავებით, გერმანიის საუკეთესო კლინიკებს და ექიმებს არ იკლებს წელიწადში ორჯერ და გგონიათ ახლა მართლა მამა გაბრიელის ზეთის იმედად იჯდებოდა საპატრიარქოში ამ გაგანია ვირუსის დროს?! ეგ მრევლისთვისაა უკვდავების წამალი, მაგისი ნაკურთხი წყალი და მამა გაბრიელის ზეთი თუ არა, თავად ილია მეორეზეც კი არ იმოქმედებს,” – წერს თუთბერიძე სოციალურ ქსელში.
სრულიად საქართველოს კათოლიკოს-პატრიარქი ილია მეორემ ვაქცინაციის შესახებ განცხადებას გაავრცელა
პატრიარქის თქმით, მოსახლეობაში არსებული კითხვების შესაბამისად, საზოგადოებას სათანადო დარგის სპეციალისტებისაგან უნდა მიეწოდებოდეს ინფორმაცია.
ამასთან, ილია მეორე განაცხადა, რომ პანდემიის პირობებში რეგულაციების დაცვა ყველასთვის აუცილებელია.
„კათოლიკოს-პატრიარქის აცრასთან დაკავშირებით პერიოდულად მიზანმიმართულად ვრცელდება სხვადასხვა ინფორმაცია, ამიტომაც მოკლედ შემდეგს ვიტყვი: აიცრება თუ არა პატრიარქი, ეს განმსაზღვრელი არ შეიძლება იყოს სხვათათვის. ვაქცინაციასთან მიმართებით ამა თუ იმ სასულიერო პირის დადებითი თუ უარყოფითი დამოკიდებულებაც მაგალითის მიმცემი ვერ იქნება, რადგან ეს სამედიცინო სფეროს ნაწილია, ინდივიდუალურ მიდგომას საჭიროებს და ჩვენი კომპეტენციის ფარგლებს სცილდება.
მიგვაჩნია, რომ მოსახლეობაში არსებული კითხვების შესაბამისად, საზოგადოებას სათანადო დარგის სპეციალისტებისაგან უნდა მიეწოდებოდეს ინფორმაცია, რათა ადამიანებს დაეხმარონ პიროვნული არჩევანის გაკეთებაში. ვაქცინაცია უნდა იყოს ნებაყოფილობითი და აცრის თუ აუცრელობის შემთხვევაში არ უნდა ხდებოდეს დაძალება ან ერთმანეთის განკითხვა-შეურაცხყოფა. ამასთან, გასათვალისწინებელია, რომ პანდემიის პირობებში რეგულაციების დაცვა ყველასთვის აუცილებელია. ამის შესახებ დადგენილება წმინდა სინოდმა ჯერ კიდევ 2021 წლის 11 თებერვლის სხდომაზე მიიღო, სადაც ასევე ნათქვამია: „საქართველოს ეკლესია დიდად აფასებს იმ სიკეთეს, რაც, ზოგადად, მედიცინას მოაქვს ადამიანების ჯანმრთელობის დაცვისთვის, თუმცა პასუხისმგებლობას ვერ აიღებს ვაქცინაციის პროპაგანდასთან მიმართებაში, რადგან ეს ჯანდაცვის მუშაკთა კომპეტენცია და პასუხისმგებლობაა“, – ნათქვამია განცხადებაში.