“დღევანდელი პოლიცია ერთი კონკრეტული პარტიის სამსახურშია” – რას წერს სპორტული კომენტატორი, ტატო ბაციკაძე

სპორტული კომენტატორი, ტატო ბაციკაძე ეხმაურება ბოლო პერიოდში პოლიციისადმი გამოთქმულ მოსაზრებას, რომ იცინი აღარ იცავენ მოსახლეობას.
“დღევანდელი პოლიცია ერთი კონკრეტული პარტიის სამსახურშია” – წერს ტატო ბაციკაძე სოციალურ ქსელში.

“90-იან წლებში, ყველაზე საშიში ხალხი მილიცია იყო. 14-15-16 წლის როცა ვიყავი, ქუჩაში “ოპერებზე” საშიში არავინ მოძრაობდა – თუ მარტო, ან 2-3 ბიჭი იყავით, შეიძლებოდა უბრალოდ გაეჩერებინეთ და მერე უკვე შენზე ბევრი არაფერი იყო დამოკიდებული, ეცდებოდნენ შარი მოედოთ და განყოფილებაში წაეყვანეთ, რომელთაგანაც ზოგში (მაგალითად არაყიშვილზე) ჯოჯოხეთი ტრიალებდა…
დღეს, ახალგაზრდებს ისევ ეშინიათ პოლიციის, რომელმაც ისე დაკარგა სახე და ისე გაიფუჭა რეპუტაცია, წლები დასჭირდება ამ ყველაფრის გამოსასწორებლად.
ხალხის დაცვის და ხალხის სამსახურში ყოფნის ნაცვლას (რაც მათი საქმეა, ფულს ხალხი უხდის), დღევანდელი პოლიცია ერთი კონკრეტული პარტიის სამსახურშია, რაც ქვეყნის სამსახურში ყოფნა ჰგონიათ. ქვეყნის მსახურება და პარტიის მსახურება ერთი და იგივე არაა.”