იაკობ გოგებაშვილის შთამომავალი ნაძვის ხის დაზიანების გამო დააკავეს. რუსთაველის გამზირზე მიტანილ რკინის კონსტრუქციაზე ლაშა გოგებაშვილმა ევროკავშრის დროშა დაკიდა. ახალგარზდა კაცს სახლთან ჩაუსაფნდნენ და ხელბორკილები დაადეს.
დაკავებულის ოჯახი ამბობს, რომ თუ ხელისუფლებაზე აქამდე მხოლოდ გაბრაზებულები იყვნენ, ახლა გამწარებულები არიან და აქციაზე კიდევ უფრო მეტი ადამიანი გამოვა.
“გუშინ ავიდა და დროშას უკეთებდა ნაძვის ხეს. ამ დროს ჩამოეკიდა ტოტს, ხელი მოკიდა და აბრალებენ ტოტის მოტეხვას და ახლა თქვენ წარმოგიდგენიათ? იტყვიან, მილიონი ღირს ეს ნაძვის ხე, ტოტი მოტეხა მილიონს და გაუშვებენ 9 წლიანზე უდანაშაულო ადამიანს, რომელსაც საერთოდ არასდროს არაფერი დაუშავებია. თუ ვიყავი გაბრაზებული, ახლა ვარ გამწარებული და ამას არ ვაპატიებთ, უფრო მეტნი გამოვალთ. არ არსებობს! ლაშა გოგებაშვილს რამდენი ხელიც დაერტყევა, იმდენს არ ვაპატიებ, არ არსებობს! ის არის იაკობის შთამომავალი. გოგებაშვილებს იჭერენ, ილია ჭავჭავაძის შთამომავლებს იჭერენ, მსახიობებს იჭერენ, – ამბობს ოჯახის წევრი.
დაკავებულის ახლობლები ეჭვობენ, რომ გოგებაშვილი მხოლოდ ნაძვის ხეზე დამაგრებული დროშის გამო არ დაუჭერიათ. არსებობს ვარაუდი, რომ ხელისუფლება მას ერთ ინტერვიუს და მიხეილ ყაველაშვილის შეურაცხყოფას არ პატიობს.
პარალელურად, პოლიცია სახლებში დადის და აქტივისტებს გამოკითხვაზე იბარებს. ახალგაზრდები კი ოქმებს არ იბარებენ და საგამოძიებო უწყებებს უნდობლობას უცხადებენ.