“ძალიან ბერვი ადამიანი მირეკავს და მეკითხება – “მამაო, როგორ მოვიქცე აცრასთან დაკავშირებით” – პირდაპირ გეუბნებით, რომ ეს თავად უნდა გადაწყვიტოთ, ეს მოძღვრის გადასაწყვეტი არ არის. არავის აქვს უფლება ადამიანს არჩევანი შეუზღუდოს” – ამის შესახებ მამა შალვა კეკელიამ “ფეისბუქის” ვიდეომიმართვაში აღნიშნა.
მისივე თქმით, აცრის გაკეთების, არ გაკეთების შემთხვევაში მრევლს ზიარება არ ეკრძალება და დასძენს, რომ არ შეიძლება მოძღვარმა სულიერი შვილები ამ კატეგორიებად დაყოს.
“მე მინდა ეკლესიურ ადამიანებს მოგმართოთ და პირდაპირ გითხრათ, რომ ეკლესიის წარმომადგენლები სინოდალურ დადგენილებას ექვემდებარებიან, ანუ რაც სინოდმა გადაწყვიტა არის ძალიან მნიშვნელოვანი. და სინოდის გადაწყვეტილება იყო ასეთი, რომ ადამიანებს აქვთ ულფება – გაიკეთონ, ან რა გაიკეთონ აცრა, ეს მათი პირადი ნებაა, მათი გადასაწყვეტია. და აცრის გაკეთების, ან არ გაკეთების შემთხვევაში ადამიანს არ ეკრძალება წმინდა ზიარება, ის არის ეკლესიის წევრი და არ შეიძლება ადამიანები დავყოთ -აცრილებად და აუცრელებად. ეკლესიას ესეთი დამოკიდებულება ადამიანებთან არ აქვთ.
ადამიანები, რომლებიც არ იცრებიან ბნელებად და ქვეყნის მტრებად მოიხსენებენ და საშინელ რაღაცებს საუბრობენ მათზე, ეს აბსოლუტურად მიუღებელია. მე დღესაც ვამბობ, რომ ნებისმიერ ადამიანს აქვს საკუთარი არჩევანი, მითუმეტეს ადამიანს უნდა ჰქონდეს არჩევანი წამლის გაკეთებასთან დაკავშირებით და არ შეიძლება აცრა, ან ნებისმიერ რამ იძულებითი იყოს.
რამდენადაც გავიგე, არიან ისეთი მოძღვრები, რომლებიც თურმე ლოცვა-კურთხევას აძლევენ მრევლს, რომ აუცილებლად უნდა აიცრან, და თუ არ გაიკეთებთ ვაქცინას ეკლესიაში არ მოხვიდეთო – ასეთ რამეს ეუბნებიან სულიერ შვილებს. არიან მოძღვრები, რომლებიც პირიქით, უკრძალავენ მრევლს აცრის გაკეთებას, რაც მოძღვრისგან ეს აბსოლუტურად მიუღებელია. არ შეიძლება მოძღვარმა შვილები ერთმანეთისგან განარჩიოს და გაყოს აცრილებად და აუცრელებად.
მე ძალიან ბევრი ადამიანი მირეკავს და მეკითხება როგორ მოიქცეს, პირდაპირ გეუბნებით, რომ ეს თავად უნდა გადაწყვიტოთ, ეს მოძღვრის გადასაწყვეტი არ არის. არავის აქვს უფლება ადამიანს არჩევანი შეუზღუდოს” – განაცხადა მამა შალვა კეკელიამ.