მას შემდეგ, რაც ხალხმა პოლიციას მეტრო დაატოვებინა, მათ მოქალაქეების ჩხრეკა მეტროს გასასვლელთან განაგრძეს. ადგილზე ხმაურია.
მეტროს შესასვლელში სამართალდამცველები მოქალაქეებს აჩერებენ და ჩხრეკენ.
პოლიცია მეტროდან ყველა ამომსვლელს ჩანთებს ახსნევინებს და უმოწმებს, რა ნივთები აქვთ.
მეტროში იმყოფებიან იურისტებიც, რომლებიც მოქალაქეების ჩხრეკის პროცესს ესწრებიან და მათ დახმარებას უწევენ.
მეტროსადგურ „თავისუფლების მოედანთან“ პოლიციის მიერ მოქალაქეებს ჩხრეკა გუშინაც მიმდინარეობდა, რა დროსაც „ზედაპირული დათვალიერების“ საფუძველზე დააკავეს რამდენიმე პირიც.
თბილისში საპროტესტო აქცია უკვე მე-89დღეა მიმდინარეობს. მოქალაქეების პროტესტი ხელისუფლების განცხადებას მოჰყვა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლამდე დღის წესრიგში არ დადგება.