“ხალათი უნდა ჩააცვა და ბატონ რატიანთან, სანიტრად ამუშავო” – გიორგი ფხაკაძე ხატია სიჭინავაზე

მაგათ ხელი უნდა მოჰკიდო, ხალათი ჩააცვა და ბატონ რატიანთან კლინიკაში სანიტრად ამუშავო კოვიდინფიცირებულებთან” – ამის შესახებ ფრანგული ორგანიზაციის “აკრედიტაცია საზღვრების გარეშე” პრეზიდენტმა გიორგი ფხაკაძემ რადიო „ჯორჯიან თაიმსისთვის“ მიცემულ ინტერვიუში განაცხადა, რომელიც ანტივაქსერების საკითხს განიხილვდა.

„როგორ შეიძლება ადამიანის ჯანმრთელობასა და სიცოცხლეზე მანიპულაცია! აი, მაგალითად, ერთ-ერთი ქართველი ჟურნალისტი გოგო, ხატია სიჭინავა გამოდიოდა ვაქცინის წინააღმდეგ და არავინ არ წავიდა ამ გოგოს წინააღმდეგ. ასეთ ადამიანებთან არის საჭირო სხვანაირი მუშაობა. არც უნდა ეჩხუბო, რადგან აზრი არ აქვს. ჯობია, მაგათ ხელი მოჰკიდო, ჩააცვა ხალათი და ერთი კვირა ბატონ რატიანთან, კლინიკაში სანიტრად ამუშაო კოვიდინფიცირებულებთან, თანაც, “ფეისბუქ ლაივი” უნდა ჩაურთო და აყურებინო ხალხს”, – განაცხადა გიორგი ფხაკაძემ.~

მისი თქმით, მოქალაქეები ყველაზე მეტად ექიმბაშებსა და ასტროლოგებს უჯერებენ, ვიდრე კვალიფიციურ ექიმებს.