“არც კი მიფიქრია, რომ რაიმე თავდასხმაზე წამოვიდოდა და ფიზიკური ძალადობის მსხვერპლი გავხდებოდი” – რას ჰყვება დაშავებული ჟურნალისტი?

ცისფერ გალერეასთან “პუბლიკას” ჟურნალისტს სცემეს – გავრცელებული ინფორმაციით, მინდია გაბაძეს ფიზიკურად “ქართული ოცნების” ტიტუშკები გაუსწორდნენ.

შემთხვევა ცისფერ გალერეასთან მაშინ მოხდა, როცა მინდია გაბაძე საპროტესტო აქციას აშუქებდა.

“არც კი მიფიქრია, რომ რაიმე თავდასხმაზე წამოვიდოდა და ფიზიკური ძალადობის მსხვერპლი გავხდებოდი. მაგას არც ვუშვებდი მაგ მომენტში. რომ მომიახლოვდა, ძალიან საეჭვოდ ავხედე და რომ ავხედე პირდაპირ მუშტი დამარტყა მთელი ძალით სახეში. დავვარდი და სავარაუდოდო რამდენიმე ადამიანი მირტყამდა. რამდენი ადამიანი იყო არ დამინახავს. არაფერს არ მეუბნებოდნენ, მაგინებდნენ უბრალოდ”, – ამბობს გაბაძე “პირველებთან”.