“რომც დაგვაკავონ ყველა, ბრძოლა მაინც გაგრძელდება, იმიტომ რომ ეს არჩევანი არის გენეტიკური არჩევანი”- აცხადებს პარტია “ხალხისთვის” ლიდერი ანა დოლიძე აქციიდან.
“ჩვენ კი არ გვებრძვის ვიღაცა, ივანიშვილი ებრძვის საუკუნოვან არჩევანს.
ჩვენ ვიყავით ალყაში, დაგვხვდნენ დონდერ ბრიგადები. თარეშობენ გადაცმული ადამიანები და ხალხს ქუჩა-ქუჩა დასდევენ” -აცხადებს ანა დოლიძე.
შეგახსენებთ, სამართალდამცავებმა დააკავეს ნიკა გვარამიაც. იქამდე კი მას ფიზიკურად გაუსწორდნენ. დაკავებულია “კოალიცია ცვლილებისთვის” წევრი გელა ხასაიაც, ასევე, პარტია “ლელოს” 2 წევრი. ასევე, დააკავეს “ნაციონალური მოძრაობის” ახალგაზრდული ორგანიზაციის წევრები.
გარდა ამისა, შსს რამდენიმე ოპოზიციური პარტიის ოფისსა და ჯგუფის “დაიტოვე” ადმინისტრატორის სახლში შევიდა, ძირითადად ამოღებულია ციფრული აპარატურა.