საქართველოს კულტურის პალატასთან არსებული კომისიის გადაწყვეტილებით, ოლიმპიურ ჩემპიონს ლაშა ბექაურსა და ვერცხლის პრიზიორ (ჩვენთვის ეს ოქროა)გენო პეტრიაშვილს ვარსკვლავებს გაუხსნიან. ამის შესახებ ინფორმაციას კულტურის პალატის პრეზიდენტი დავით ოქიტაშვილი სოციალურ ქსელში ავრცელებს.
“დღეს, საქართველოს კულტურის პალატასთან არსებულმა კომისიამ მიიღო გადაწყვეტილება – ოლიმპიურ ჩემპიონს ლაშა ბექაურს და ვერცხლის პრიზიორს (ჩვენთვის ეს ოქროა)გენო პეტრიაშვილს გაეხსნას სახელობითი ვარსკვლავები.
სახელობითი ვარსკვლავების გახსნის თარიღებს დამატებით გაცნობებთ. (კომისიისთვის გახდა ცნობილი, რომ ოლიმპიურ ჩემპიონს ლაშა ტალახაძეს ადგილობრივი ხელისუფლების გადაწყვეტილებით საჩხერეში უკვე აქვს ვარსკვლავი და შესაბამისად, კომისიას ლაშა ტალახაძისთვის სახელობითი ვარსკვლავის გახსნის საკითხი არ განუხილავს).” – აღნიშნავს დავით ოქიტაშვილი.