გიორგი მიქაუტაძე დაყაჩაღების შემდეგ პირველ კომენტარს აკეთებს – რას ამბობს ფეხბურთელი?

გიორგი მიქაუტაძე დაყაჩაღების შემდეგ პირველ კომენტარს აკეთებს, რომელსაც უცვლელად გთავაზობთ:

“გუშინ ღამით მომხდარი ამბის შემდეგ მინდა გითხრათ, რომ კარგად ვარ და არანაირი ფიზიკური დაზიანება არ მიმიღია. მადლობა ყველას უამრავი მესიჯებისთვის, ეს ჩემთვის ბევრს ნიშნავს. კონცენტრირებული ვრჩები ჩემს მიზნებზე და მალე შევხვდებით. თავს გაუფრთხილდით” – გიორგი მიქაუტაძის მესიჯი გულშემატკივარს.

შეგახსენებთ, რომ საფრანგეთში, კერძოდ ლიონში გიორგი მიქაუტაძის სახლი გაძარცვეს. ინფორმაციას Geo Team ავრცელებს. წყაროს ცნობით, ადგილი ფიზიკურ ძალადობას არ ჰქონია. მიქაუტაძე “ნიცასთან” მატჩის შემდეგ სახლში დაბრუნდა, სადაც მას ორი მძარცველი ელოდებოდა და იარაღის მუქარით ქართველის სახლში შევიდნენ.
უცხოური გამოცემის ინფორმაციით, მიქაუტაძის სახლიდან დაახლოებით 250 000 ევროდ შეფასებული ნივთები მოიპარეს. პოლიციას აღნიშნულ საკითხზე ამ დრომდე არავინ დაუკავებია. გიორგი მიქაუტაძეც და მისი ოჯახიც თავს კარგად გრძნობენ.

“ BREAKING: ლიონში გიორგი მიქაუტაძის სახლი გაძარცვეს… ” – წერს Geo Team სოციალურ ქსელში.

“გიორგი მიქაუტაძე და მისი ოჯახის წევრები თავს კარგად გრძნობენ… მათ არაფერი დაშავებიათ.