44 ადამიანი! 44! ყოველ ნახევარ საათში ერთი ადამიანი კვდება! და ამ დროს პრემიერ მინისტრი ქეიფობს და ვიცე -პრემიერი 700 ათასით უფასო კონცერტებს აფინანსებს.
ვისაც ესენი ადეკვატურები გგონიათ არჩევნებში მონაწილეობის მიღება უნდა აგეკრძალოთ,” – ამის შესახებ ჟურნალისტი ნანუკა ჟორჟოლიანი “ფეისბუქის” პირად გვერდზე წერს.
ჟორჟოლიანი ღარიბაშვილის იმ განცხადებასაც ეხმაურება, რომლის მიხედვითაც, ქეიფი დანაშაული არ არის.
“მერე რა რომ ვქეიფობდი? დანაშაულია ქეიფი?” – ასე უპასუხა პრემიერ-მინისტრმა, ირაკლი ღარიბაშვილმა ჟურნალისტების კითხვას, უქმნის თუ არა უხერხულობას ის ფაქტი, რომ ჯანდაცვის სამინისტროს რეკომენდაციების ფონზე, რეგულაციების დარღვევით იქეიფა.
“ამბობს პრემიერ- მინისტრი, რომლის ქვეყანაშიც გუშინ 44 ადამიანი გარდაიცვალა. გამოვა და იტყვის, ერთი თვის წინ რომ აქციები გქონდათ იმის ბრალიაო. ბატონო ირაკლი, რთული შემოდგომა გელით. არ გიშველით დასპონსორებული ფოტოები, ლაიქებში რომ ეჯიბრებით გახარიას,” – წერს ჟორჟოლიანი სოციალურ ქსელში.
ცნობისთვის, 7 აგვისტოს, საქართველოს პრემიერ-მინისტრი ირაკლი ღარიბაშვილ ოლიმპიური ჩემპიონის, ლაშა ბექაურის საპატივსაცემო სუფრაზე იმყოფებოდა.