რუსთაველის გამზირზე “ქართული ოცნების” გადაწყვეტილების გასაპროტესტებლად მოქალაქეები იკრიბებიან.
საავტომობილო მოძრაობა გადაიკეტა.
ამასთან, თავისუფლების მოედანზე წყლის ჭავლის მანქანები და სპეცრაზმია მობილიზებული
ხელისუფლების გუშინდელ გადაწყვეტილების შემდეგ, რომელმაც ევროკავშირთან მოლაპარაკებების პროცესი შეაჩერა, მეორე დღეა დედაქალაქის ცენტრალური გამზირი პროტესტის მთავარი კერაა.
თავისუფლების მოედანზე სპეციალური დანიშნულების რაზმის მობილიზება რამდენიმე წუთის წინ დაიწყო. კადრებში ჩანს, რომ სპეცდანიშნულების რაზმი განლაგებულია თბილისის საკრებულოს მიმდებარე ტერიტორიაზე.
ადგილზე წყლის ჭავლის რამდენიმე მანქანა და ასევე სახანძრო-სამაშველო სამსახურის 2 მანქანაა დაფიქსირებული.
რობოკოპებს თან აქვთ ხელკეტები – არცერთ მათგანს საიდენტიფიკაციო ნიშნები არ აქვთ.
პარალელურად რუსთაველის გამზირზე აქციაზე მოქალაქეები არიან შეკრებილები – გადაიკეტა მთავარი გამზირი.
