“დატბორილია ქუჩები, სახლები და ეზოები, დაზიანდა გზები” – რა ხდება ქუთაისში სტიქიის შემდეგ?

ქუთაისში ძლიერი წვიმის შედეგად დაიტბორა რამდენიმე ქუჩა, საცხოვრებელი სახლები და ეზოები, დაზიანდა საგზაო ინფრასტრუქტურა.

ადგილებზე მუშაობენ საგანგებო სიტუაციების მართვისა და “სპეციალური სერვისების” სამსახურები.

სალიკვიდაციო სამუშაოების მიმდინარეობას გაცნო ქუთაისის მერის მოვალეობის შემსრულებელი დავით ერემეიშვილი, ადგილობრივი ხელისუფლების სხვა წარმომადგენლებთან ერთად.” ინტენსიური, გადაუღებელი წვიმის გამო დაიტბორა ქუთაისის რამდენიმე ქუჩა. ჩვენი შესაბამისი სამსახურები უწყვეტ რეჟიმში მუშაობენ მოსახლეობის დასახმარებლად. დახმარებას აღმოვუჩენთ ყველას, ვისაც ამის საჭიროება აქვს.”- განაცხადა დავით ერემეიშვილმა.