სამცხე-ჯავახეთის გუბერნატორის მოადგილემ, მომღერალმა ზურა ხაჩიძემ, მისი მეუღლის, ხათუნა ჟორდანიას ჯანმრთელობის მდგომარეობის შესახებ ჟურნალ “სარკესთან” ისაუბრა:
გთავაზობთ ამონარიდს ინტერვიუდან:
-ხათუნა როგორ იცავს თავს ამ გართულებული ეპიდსიტუაციის პირობებში?
-ხათუნას აცრას ვაპირებთ უახლოეს მომავალაში. ექიმსაც ველაპარაკეთ და მისგანაც მივიღეთ რეკომენდაცია, რომ აუცილებლად უნდა აიცრას. მანამდე კი მისი მთავარი თავდაცვა არის ის, არსად გადის, მხოლოდ ძალიან ვიწრო წრესთან კონტაქტობს და იქაც უსაფრთხოების წესების სრული დაცვით.
-როგორია ხათუნას ჯანმრთელობის მდგომარეობა ბოლო მონაცემებით?
-ძალიან დადებითი და კარგი მაჩვენებლები გვაქვს, აგვისტოში უნდა გავემგზავროთ თურქეთში და კიდევ ერთხელ გადავამოწმოთ პროცესები. მადლობა ღმერთს, დღეის მონაცემებით ყველაფერი კარგად არის. ყველაზე რთული პერიოდი გადალახულია. ახლა მთავარია მუდმივი კონტროლი და სტამბულში მიღებული პასუხები. სამი თვის წინ იყვნენ ნინი (ნინი ქარსელაძე, ხათუნა ჟორდანიას უფროსი ქალიშვილი) და ხათუნა სტამბულში გამოკვლევებზე და მაშინ კარგი პასუხები ჰქონდა. სამი თვის შემდეგ დაიბარეს მორიგ კონტროლზე.
-ყველაზე რთული ბრძოლა უკან მოიტოვეთ, როგორ გახსენდებათ ის პერიოდი?
-ამ ბრძოლის ძირითადი ნაწილი მართლაც გავლილი გვაქვს. ძალიან დიდი პროგრესი მივიღეთ და დარწმუნებული ვარ, საბოლოო გამარჯვება ძალიან ახლოს არის. როცა ამ ყველაფერზე ვფიქრობ, მთავარს ვხდები: მეგობრების და უამრავი ადამიანის ლოცვის, დახმარებისა და ჩართულობის გარეშე, ჩვენ ბრძოლა გაგვიჭირდებოდა. ერთობით ძალიან ბევრი რამის დამარცხება შეიძლება. ეს არამარტო ჩვენი გამარჯვებაა, ვინც ხათუნასთვის ილოცა და მის გამოჯანმრთელებაზე ფიქრობდა.
ინტერვიუს ავტორი: ავთო ჩიტიძე