“რა სიამაყეა, რომ მსოფლიო შენს ჰიმნს უსმენს…”

ტოკიოს ოლიმპიადაზე საქართველოს სახელით მეორე ოქროს მედალი ძალოსანმა ლაშა ტალახაძემ მოიპოვა.

ფოტოხელოვანი გოგა ჩანადირი ლეგენდარულ ქართველ ძალოსანს გამარჯვებას ულოცავს და წერს:

“რა სიამაყეა, რომ მსოფლიო შენს ჰიმნს უსმენს, რომელიც გამარჯვების, წარმატების, თავდადების სიმბოლოა.
ტოკიოს ოლიმპიადაზე საქართველოს დროშა კიდევ ერთხელ აიწია, საქართველოს ჰიმნი კიდევ ერთხელ აჟღერდა.
მადლობა კიდევ ერთ ლაშას, ამჯერად ტალახაძეს,” – წერს ჩანადირი სოციალურ ქსელში.

ლაშა ტალახაძემ +109 კგ წონით კატეგორიაში ატაცში 223 კგ. დაძლია და მსოფლიოს ახალი რეკორდი დაამყარა.