“ამ ქვეყანას აქვს გამორჩეული თვისებები, რომელსაც ხშირად ჩვენს ნაკლად ვთვლით – “ვაიმე, შევრცხვით, ვაიმე რატომ?” – აი, ასე შეიცხადებს ხოლმე” – ნათია ფანჯიკიძე

ფსიქოლოგი ნათია ფანჯიკიძე სოციალურ ქსელში წერს:

“ამ ქვეყანას აქვს გამორჩეული თვისებები, რომელსაც ხშირად ჩვენს ნაკლად ვთვლით. თვითგვემას მაგალითად, – ეს ჩვენ როგორ დაგვემართა! ვაიმე, შევრცხვით, ვაიმე რატომ? აი, ასე შეიცხადებს ხოლმე სტუმარს, უცხოს, ნაცნობს ის ხალხი, რომლის გრძნობების სიმხურვალე, გლოვის ზარი, გადაჭარბებული რომ შეიძლება ეჩვენოს ვინმეს, სინამდვილეში ის მომხიბვლელობა და ის სიმძაფრეა, რის გამოც არის მაგნიტური ქვეყანა საქართველო, რის გამოც ყველა გრძნობა, სიყვარულიდან დაწყებული, ეჭვიანობით, ტანჯვით დასრულებული განიცდება ისე მძაფრად, როგორც არსად სხვაგან. და ეს გრძნობები, ეს გამორჩეულობა მიმაჩნია ერთერთ თვისებად, რამაც გადაგვაძლევინა ყველა დაბრკოლება და ისევ ვცოცხლობთ და აი ასე ვნებიანად, დაცემით და წამოდგომით გავალთ სადაც ჩვენი ადგილია, – ცივილიზებულ სამყაროში და იქაც შევიტანთ ჩვენს ცხელ ხასიათს და არომატებს.

მიყვარს ეს ქვეყანა და ეს ენა, რომელზეც ვალაგებ ფიქრებს და ხან ვიტანჯები, ხან სულ პირიქით. ხოდა, ბედნიერი დღე იყოს ეს დღე და ეს გათენება. კარგი დილაა რაღაცნაირი,” – წერს ფანჯიკიძე “ფეისბუქის” პირად გვერდზე.