ბიძინა რაზე ოცნებობს, სადამდე მიდის ოცნებებში ვერ ვიტყვი, ზოოპარკით დაიწო და გადმოვიდა ადამიანებზე – ამის შესახებ საქართველოს ყოფილმა ლედიმ მაკა ჩიჩუამ ტელეკომპანია “პირველის” გადაცემაში “დღის ამბები” განაცხადა.
“ბიძინა რაზე ოცნებობს ძალიან რთული გამოსაცნობია. ნამდვილად ვერ ვიტყვი ბიძინას ოცნებები საით მიდის, მაგრამ ფაქტია, რომ ცხოველებით და ზოოპარკით დაიწყო, მათზე დაკვირვებით, ახლა გადმოვიდა ადამიანებზე, ჩვენზე, თანამემამულეებზე, თანამოქალაქეებზე, იმის მაგივრად რომ ძალიან დიდი შანსი გამოეყენებინა და მართლაც ღირსეულად გადაგვედგა ის ნაბიჯები, რა ნაბიჯებიც გვქონდა გეგმაში.
გუნდი, რომელიც მოდიოდა, მისი პირობა, მისი გეზი იყო ევროატლანტიკური გზისგენ მიმართული, რა მივიღეთ? ყველაფერი თავდაყირა დადგა, დღეს ტურისტები სადღაც ბუჩქებში შეიძლება ნახონ, გარდაცვლილი, ფოთლებგადაფარებული. მე არაფერს ვამტკიცებ, რომ ვიღაც სპეციალურად იყო მიგზავნილი, სპეციალურად კლავენ უცხოეულ ტურისტებს, რა დონეზე შეიძლება შეილახო ჩვენი იმიჯი, ამაზე არაფერს ვლაპარაკობ, მე ვლაპარაკობ იმ გაბატონებულ დესტრუქციულ მდგომარეობაზე, რამაც საბოლოოდ შეიძლება ჩამოშალოს, ასე რუდუნებით, ნაბიჯ-ნაბიჯ, წვალებით მიღწეული რაღაც დემოკრატიის საწყისი. სადაც უკვე რაღაც ნაბიჯები შეიძლება გადადგმულიყო და ძალიან დიდი შანსი ჰქონდა ამ ხელისუფლებას,” – განაცხადა ჩიჩუამ.