პროდიუსერი ნატო დუმბაძე თბილისში ავსტრალიელი ქალის გარდაცვალების ამბავს “ფეისბუქის” პირად გვერდზე ეხმაურება და საზოგადოების იმ ნაწილს აკრიტიკებს, ვინც ტრაგედიას პოლიტიკური მიზნებისთვის იყენებს:
„საშინელებაა რაც მოხდა, იმდენი კამერები აყენია ყველგან სახლში, ვის რა აცვია იმასაც ხედავენ და იმედს ვიტოვებ, მალე დააკავებენ მკვლელს! ეგრევე გაპოლიტიკურდა თემა, ეგრევე ნულოვანი ტოლერანტობაო გაჰკივიან! მისტირიან იმ დროს… ხოდა, ჩვენ კი გვახსოვს როგორი იყო ეგ ნულოვანი ტოლერანტობა. მეც მინდა მოგმართოთ მთავრობა და შსს, იგივენაირად მოიქცეთ როგორც იმ დროს ექცეოდნენ ხალხს განურჩევლად დანაშაულისა, ქალისა, კაცისა, ბავშვისა, ნოსტალგიაში ჩავარდნილებს, პოსტს რომ ვერ წერდნენ შიშით იქნებ აუსრულოთ ეს დაკვეთა! ანუ ესროლეთ, გაიტაცეთ, გააქრეთ, ოჯახში შეუვარდით, მერე ციხეში გააგრძელეთ იმათი წამება! კრუსუნი არ გავიგო მერე არავისი!
ვისაც ქართველობის რცხვენია გაერცხვივნონ საქართველოდან!
ვინც რა მოწოდებები არ უნდა დაწეროს, ვინც არ უნდა გააშავოს საქართველო, გადავიდნენ ტიკ -ტოკზე , გადავიდნენ ინსტაგრამზე და იქ ნახონ, საღად მოაზროვნე ტურისტები! ადამიანები, რომლებიც აღწერენ თავისი თვალით დანახულ საქართველოს, კუთხე კუნჭული არ დატოვეს რომ არ მოევლით, პატრული რომ პატრულია იმათზეც კი ყვებიან როგორ მოწიწებით და გულით ეხმარება პატრული ხალხს! მადლობა მათ, მათი შემწეობით მეც დავათვალიერე რამდენი კარგი რამე აშენდა, აღორძინდა და მართლაც რომ ოაზისია საქართველო! აპიარებენ, მეგობრებს უხსნიან რა თბილები სტუმართმოყვარე და მზრუნველი ერი ვართ! ასე რომ რაც არ უნდა წერონ თავისი თვალით დანახულს, განცდილს ვერ წაუშლიან და ვერ დაუშლიან ვერავის აქ ჩამოსვლას! ეგ ყველაზე ნაკლები პრობლემაა დღეს! იქნებ ეგ არის ზუსტად გამშავებლების გაღიზიანების მიზეზი?” – წერს დუმბაძე სოციალურ ქსელში.