პარტია “სამართლიანობისთვის” თავმჯდომარე, ეკა ბესელია “მთავარი არხის” გენერალური დირექტორის, ნიკა გვარამიას მიერ გუშინ გასაჯაროებულ ჩანაწერებს ეხმაურება:
“ისევ ტოტალური თვალთვალი და უკანონო მოსმენა ყველასი, შინაურის თუ გარეულის, ისევ იგივე ჭაობი, რისგანაც გამოსვლა იყო ერთ-ერთი მთავარი დაპირება… და რა ? ისევ იგივე მეთოდები რასაც ვებრძოდით!!!
პ.ს. პარალელებს ვინც აკეთებს წარსულთან – თვალი უნდა გაუსწოროს რეალობას და სახელი დაარქვას. დღეს რა მეთოდებსაც ხელისუფლება იყენებს, თითქოს ამას ემიჯნებოდა.
“ოცნების დეპუტატებო”, თავი აწიეთ და რეალობას შეხედეთ სად ხართ???…” – წერს ბესელია
ცნობისთვის, გუშინ, ტელეკომპანია “მთავარი არხის” გადაცემაში “მთავარი აქცენტები”, ნიკა გვარამიამ სუს-ის სავარაუდო ჩანაწერები გაასაჯაროვა. დოკუმენტებში, რომელიც “მთავარი არხის” დირექტორმა, მისივე თქმით, უწყებიდან მოიპოვა, ასახულია მასობრივი თვალთვალისა და მიყურადების პროცესი, რომლის ობიექტებიც არიან როგორც პოლიტიკოსები, ისე ჟურნალისტები, დიპლომატები, არასამთავრობო სექტორის წარმომადგენლები, სასულიერო პირები.