“კოვიდიც ხელოვნურად გავრცელდა, იმიტომ, რომ შარშან, არჩევნების წინ შემოიყვანეს რუსი ტურისტები, რომლებმაც გაავრცელეს კოვიდი. ახლაც მასობრივად შემოჰყავთ იმ ქვეყნებიდან ყალბი ცნობებით ტურისტები, ეს ნიშნავს, რომ ივანიშვილის ხელისუფლების შენარჩუნებას ადამიანების სიცოცხლე ეწირება,” – ამის შესახებ საქართველოს ექს-პრეზიდენტმა მიხეილ სააკაშვილმა გუშინდელ ვიდეომიმართვაში განაცხადა, რომელმაც რეფერენდუმის ჩატარებამდე საქართველოში ჩამოსვლა დააანონსა.
სააკაშვილის აღნიშნულ განცხადებას ჟურნალისტი თამარ ჩერგოლეიშვილი “ფეისბუქის” პირად გვერდზე შემდეგნაირად ეხმაურება:
“ამ ჩამორჩენილს ქართველი ხალხი ისევ საინფორმაციო ვაკუუმში მყოფი ბრიყვების თავყრილობა ჰგონია და ამ დებილობებით აბოლებს,” – დაწერა ჩერგოლეიშვილმა სოციალურ ქსელში, პოსტის კომენტარებში კი დასძინა: – “დებილია, გამოთაყვანდა.”