მწერალი ლაშა ბუღაძე “ფეისბუქის” პირად გვერდზე “ქართული ოცნების” დამფუძნებლის ბიძინა ივანიშვილის შესახებ წერს:
“ივანიშვილმა უკვე მაშინ იცოდა, რომ წაგებული ჰქონდა, როცა “ამბოხება” დაადგმევინა მაჟორიტარებს პროპორციული არჩევნების “ანულირებისათვის” ვერ მოიგო გასული წლის არჩევნებშიც.
და ახლაც ზუსტად იცის, რომ მარცხი ელოდებათ მომავალ არჩევნებზე.
ესე იგი, უახლოეს წარსულში, უკვე ორჯერ წააგო და უმცირესობაში მყოფი ეპოტინება ძალაუფლებას.
ვერაგი, ჭკვიანი და ყველაფრის მკადრებელი მტერია, ამიტომ როგორც ამომრჩეველი, პროდასავლური ოპოზიციის ლიდერებს პატივისცემით და ნდობით ვთხოვდი, არ იმოქმედონ მხოლოდ სიტუაციურად (რაც ჩვენი “გაბრტყელებული” პოლიტიკური რეალობის სამწუხარო მახასიათებლად იქცა), არამედ “ასჯერ გაზომონ და ერთხელ გაჭრან”, ვიდრე რამეს მოიმოქმედებენ შეცდომის უფლება უკვე აღარ გვაქვს,” – წერს ბუღაძე სოციალურ ქსელში.