“მე რომ პირველივე შესაძლებლობისთანავე არ ავცრილიყავი, არ ვიცი ახლა რა იქნებოდა…” – ნინო ჯანგირაშვილი

ჟურნალისტი ნინო ჯანგირაშვილი “ფეისბუქის” პირად გვერდზე წერს:

“შვიდი დღის მანძილზე უკვე მესამედ ტესტმა მიჩვენა უარყოფითი. არადა, კოვიდინფიცირებულთან კონტაქტი იყო ისეთი მჭიდრო და ხანგრძლივი, იმაზე მეტი რომ არ შეიძლება. მე რომ პირველივე შესაძლებლობისთანავე არ ავცრილიყავი, არ ვიცი ახლა რა იქნებოდა. სინოფარმის მეორე დოზა 25 მაისს გავიკეთე. როგორც ჩანს, იმუშავა ჩემმა ჩინურმა ჯართმა. ორშაბათს კიდევ ერთხელ გადავამოწმებ, მაგრამ მგონი გადავრჩი. ამიტომაც გეხვეწებით ყველას, შეიშხაპუნეთ რაც მოგხვდებათ ხელში, რაც შეიძლება ჩქარა,” – წერს ჯანგირაშვილი სოციალურ ქსელში.