საოპერო მომღერალი, ფონდ „იავნანას“ დამფუძნებელი პაატა ბურჭულაძე “ფეისბუქის” პირად გვერდზე, მსოფლიოში აღიარებული ტენორის ჯუზეპე ჯაკომინის გარდაცვალების შესახებ წერს:
“კიდევ ერთი ლეგენდა წავიდა… მსოფლიოს უდიდესი ტენორი ჯუზეპე ჯაკომინი. მასთან ერთად დაუვიწყარი სპექტაკლები მაქვს ნამღერი ლა სკალასა და კოვენტ გარდენის სცენებზე, ერთად ვიყავით საფრანგეთში, ორანჟის საზაფხულო ფესტივალზეც.
ბედნიერი ვარ, რომ ფონდმა “იავნანამ” მოასწრო მისი გაცნობა ქართველი მსმენელისთვის. სრულიად უსასყიდლოდ ჩამოვიდა და მონაწილეობა მიიღო ჩვენი ბავშვების დასახმარებლად ორგანიზებულ ტელე-მარათონში. ეს იყო მისი ერთ-ერთი უკანასკნელი გამოსვლა სცენაზე.
დიდება მის სახელს, ნათელი მის ხსოვნას! მშვიდობით მეგობარო…,” – წერს ბურჭულაძე სოციალურ ქსელში.
