ფოტოხელოვანი გოგა ჩანადირი “ფეისბუქის” პირად გვერდზე წერს:
“ახლა მიშელის 19 აპრილის ხელშეკრულების გაუქმებას მოჰყვება ამბები შინ და გარეთ და კვლავ ერთ წრეზე ვიტრიალებთ. საქართველო ვინმეს გულწრფელად აინტერესებს?
რა გახდა ჩვენი ქვეყნის ევროპულ დემოკრატიულ მოდელზე აშენება, სადაც ხელშეკრულებას ხელშეკრულების ფასი აქვს, სასამართლო სასამართლოს ჰგავს, არჩევნები ეჭვების გარეშე გამოავლენს მმართველ პარტიას, ყველას აქვს პასუხისმგებლობა და საზოგადოება და ყველა ინსტიტუტი სახელმწიფოს განვითარებაში სრულფასოვან მონაწილეობას მიიღებს?
მე მიყვარს საქართველო და მისი განვითარება მინდა,” – წერს ჩანადირი სოციალურ ქსელში.