“თქვენი სისუსტე პროვოკაციულია … სამარცხვინო მდგომარეობაში გაგდებს” – თამარ ჩერგოლეიშვილი

სამოქალაქო ორგანიზაციები ეგებ ახლა მიხვდნენ, რომ გრანტის დაკარგვის შიშით პოზიციების ცვლილება და დონორის რიდით მოქმედება კრახისთვის განწირულია, სამარცხვინო მდგომარეობაში გაგდებს და სისულელეებს გალაპარაკებს, როცა ურემი გადაბრუნდება.
პ.ს. რიტორიკული რემარკაა, სინამდვილეში ვერაფერს მიხვდებიან – რომ ჰქონდეთ მიხვედრის რესურსი მათთან თანამშრომლობის სურვილიც ხომ არ გამიქრებოდა? – ამის შესახებ ჟურნალისტი თამარ ჩერგოლეიშვილი „ქართული ოცნების“ მხრიდან 19 აპრილის შეთანხმების ანულირებასთან დაკავშირებით წერს.

“ამ ქვეყანაში რა მოხდება არის ჩვენი და არა ელჩების გადასაწყვეტი.
ამიტომ იყო სრული სიბრიყვე და უპასუხისმგებლობა “ელჩების ხათრით” მოქმედება.
ელჩების ხათრით, თავმოყვარე პოლიტიკოსები გადაწყვეტილებებს არ იღებენ.
მაგრამ დასავლელი ელჩები თუ გააცნობიერებენ, რომ რაც ამ ქვეყანაში ხდება ის დასავლეთის წინააღმდეგ ხდება, ურიგო არ იქნება. ჩვენსას ჩვენ მივხედავთ. მაგრამ თქვენ საკუთარ რეპუტაციაზე იზრუნეთ, გახსოვდეთ, რომ თქვენი სისუსტე პროვოკაციულია და პოგრომის ორგანიზატორებისთვის კელაპტრების დანთება, ამას არათუ არ შველის, არამედ ხელს გვიშლის თავისუფლების მოყვარე ადამიანებს.

პ.ს. და ისიც გაითვალისწინეთ, რომ გონიერი და გამოცდილი ადამიანი როცა რაღაცას ხელს არ აწერს, ესე იგი არ ვარგა და ხელები ვისაც არ უნდა გადაუგრიხოთ, და მოწინააღმდეგის იზოლაცია როგორი გაშმაგებითაც არ უნდა სცადოთ, ბუმერანგივით მოგიბრუნდებათ, ” – წერს ჩერგოლეიშვილი სოციალურ ქსელში.