დიქტატურა გაფორმდა. ნახეს რომ 43%-ს ვერ იღებენ. ჩაისვარეს და მიშელს დოკუმენტი თავზე გადაახიეს. ივანიშვილმა საკუთარ ხალხს ომი გამოუცხადა #დადგადრო – ასე ეხმაურება პოლიტიკოსი გიგი უგულავა “ფეისბუქის” პირად გვერდზე, მმართველი გუნდის მიერ მიღებულ გადაწყვეტილებას, რომლის მიხედვითაც, “ოცნება” ვადამდელის დასანიშნად 43%-იან ვალდებულებაზე უარს ამბობს.
“ჩემი აზრით, 1. ოპოზიცია უნდა გამოვიდეს პარლამენტიდან 2. ვადა უნდა მივცეთ “ოცნებას” და მთავრობისგან გადაგდებულ პარტიორებს რომ დააბრუნოს ოცნება შეთანხმებაში.3. შეთანხმება უნდა იყოს მხოლოდ 43%-ზე და სრულად პროპორციულ რიგგარეშეზე. დანარჩენზე “ოცნებასთან” საუბარი არ შეიძლება4. ვადის გასვლის შემდეგ და მოთხოვნის არშესრულების შემთხვევაში ბოიკოტი ადგილობრივ არჩევნებს. უნდა გვესმოდეს დღეს” ოცნებამ” საქართველოში გააუქმა არჩევნები,” – წერს უგულავა სოციალურ ქსელში.
“ქართული ოცნება” შარლ მიშელის შეთანხმების მიუხედავად ამბობს, რომ “მათი კეთილი ნებით”, მმართველი გუნდი მზად არის, რიგგარეშე არჩევნები 53%-ის მიღების შემთხვევაშიც დანიშნოს. დღევანდელ ბრიფინგზე 19 აპრილის შეთანხმებას ანულირებულად გამოაცხადეს და აღინიშნა, რომ მან საკუთარი თავი ამოწურა.