“ქართული ოცნების” პასუხისმგებლიანი ქმედების შედეგად,-რქუა იკა კობახიძემ საგანგებო ბრიფინგზე. მიშელის შეთანხმება ჩკაა-ანულირებულიაო. და შევარდნილი ოპოზიცია რას აპირებს?! შარლ მიშელის ფრაქცია?! ვადამდელი აღარ იქნება!!!” – ამის შესახებ ჟურნალისტი ელისო კილაძე “ფეისბუქის” პირად გვერდზე წერს.
“ასე და ამგვარად – “ქართული ოცნება” შარლ მიშელის შეთანხმებიდან გავიდა.
ყველა კვლევით 43% -იან ბარიერს ვერ ძლევს და იმიტომ (მადლობა გიორგი გახარიას), ვადამდელი აღარ იქნება !
დაანონსებულია რეპრესიები-შევარდებიან და დახურავენ ტელევიზიებს,თუ დასჭირდათ გათიშავენ ინტერნეტს და ფეისბუქს.
2021 წელი ქრისტეშობიდან,28 ივლისი,14:20 -გამოცხადდა იკა კობახიძის დიქტატურა !
#გამარჯობარუსეთო!!!
გავუტარებთ?-გაუვათ !” – წერს კილაძე სოციალურ ქსელში.
ცნობისთვის, მმართველი გუნდი მზადაა რიგგარეშე არჩევნები არა ხმათა 43%-ის, არამედ 53%-ის მიღების შემთხვევაშიც დანიშნოს.
„ქართული ოცნების“ თავმჯდომარის ირაკლი კობახიძის განცხადებით, ეს მათი გუნდის კეთილი ნება იქნება იმ შემთხვევაში თუ ოპოზიციური პოლიტიკური პარტიების ქცევა აჩვენებს, რომ პოლიტიკური სისტემა ეფექტიანი კოალიციური მმართველობისთვის მომწიფებულია.
„უპირველეს ყოვლისა, გვინდა აღვნიშნოთ, რომ კოალიციური მმართველობის ჯანსაღი ტრადიციის დამკვიდრება და სხვა პოლიტიკურ პარტიებზე სახელმწიფოს მართვის პასუხისმგებლობის განაწილება, საუკეთესო ევროპული პრაქტიკაა და „ქართული ოცნება“ ამას მხოლოდ მხარს უჭერს და მიესალმება. შესაბამისად, მზად ვართ, ჩვენი კეთილი ნებით რიგგარეშე არჩევნები არა თუ ხმების 43%-ის, არამედ 53%-ის მიღების შემთხვევაშიც კი დავნიშნოთ, თუკი ოპოზიციური პოლიტიკური პარტიების ქცევიდან ამოვიკითხავთ, რომ ჩვენი პოლიტიკური სისტემა ეფექტიანი კოალიციური მმართველობისთვის მომწიფებულია და სახელმწიფოს მართვის ამგავრი რეჟიმი მის ინტერესებს არ დააზიანებს. ასეთ შემთხვევაში რიგგარეშე არჩევნები დაინიშნება ჩვენი კეთილი ნებით, იმ კონსტიტუციური პრაქტიკის შესაბამისად, რომელიც განვითარებულ ევროპულ დემოკრატიებში არის დამკვიდრებული,“- განაცხადა ირაკლი კობახიძემ.