ეს არის სრული კატასტროფა – ზურა ხაჩიძე

სამცხე-ჯავახეთის რწმუნებულის მოადგილე, მომღერალი ზურა ხაჩიძე ქვეყანაში მძიმე ეპიდემიოლოგიურ ვითარებასთან დაკავშირებით პოსტს აქვეყნებს:

“3665 ეს არის სრული კატასტროფა ამ პატარა ქვეყნისთვის. დღეს გადავსებულია საავადმყოფოები და კლინიკები. გაუფრთხილდით და დაიცავით ყველა რეგულაცია!!! ვინც ასაცრელი ხართ აიცერით!!!” – წერს ხაჩიძე სოციალურ ქსელში.

ცნობისთვის, ზურა ხაჩიძეს COVID 19 ცოტა ხნის წინ დაუდასტურდა.

შეგახსენებთ, რომ 27 ივლისის მონაცემებით, საქართველოში კორონავირუსით – 3 666 ადამიანი დიანფიცირდა.

გარდაიცვალა კიდევ 17 ინფიცირებული პირი. ამასთან, გამოჯანმრთელდა 1 335 პაციენტი. ინფორმაცია  stopcov.ge- – ზე განახლდა.

ბოლო 24 საათში ჩატარებული კვლევა ტესტით – 42 235, მათ შორის ანტიგენის სწრაფი ტესტით – 27 425, PCR ტესტით – 14 810.

სულ აცრილია – 418 398, დღიურად აცრილია – 13 884.

კორონაპანდემიის დაწყებიდან დღემდე საქართველოში COVID-19-ით დაინფიცირდა – 407 689, გარდაიცვალა 5731 ადამიანი, ხოლო ვირუსი დაამარცხა 376 088 პირმა.